Ali-Muhammedin sirleri indd

5. Müaviyənin Əliyə (ə) yazdığı cavab
Əbu Dərda və Əbu Hüreyrə bütün bunları və camaatın ona verdiyi cavab-
ları söylədikdə Müaviyə dedi: “Əgər bu söylədiklərinizin hamısı doğrudursa, o 
zaman özündən (Əlidən (ə)) və Əhli-Beytindən savayı, bütün mühacir və ənsar 
həlak olmuşdur demək”.
Əmirəl-möminin Əlinin (ə) təqiyyəsi
Sonra Müaviyə Əliyə (ə) belə bir məktub yazdı: “Əgər söylədiklərin, iddia 
etdiklərin və səhabələrinin verdikləri şəhadət doğrudursa, demək səndən, Əhli-
Beytindən və şiələrindən savayı, hamı bütün mühacir və ənsar məhv olmuşdur.
Ancaq sənin onlar üçün rəhmət dilədiyin və istiğfar etdiyin barədə mənə 
xəbərlər çatıb. Bunun iki tərəfi ola bilər, üçüncüsü yoxdur. Ya təqiyyə edirsən, 
onlardan uzaq olduğunu aşkar şəkildə söyləmirsən ki, mənimlə savaşa gətirdiyin 
insanların ətrafından dağılacağından qorxursan, ya da iddian batil və yalandır. 
1
Kitabdakı 11-ci hədisdə İmam Əlinin (ə) Əffanın oğlunun xilafəti ilə bağlı sözlərinə müraciət et.

---

148
Suleym ibn Qeys Hilali
Sənin etimad etdiyin şəxslərdən biri mənə çatdırıb ki, sən öz azmış və pisliklə 
dolu tərəfdarlarına belə deyirsən: “Mən üç oğluma Əbu Bəkr, Ömər və Osman 
adlarını qoydum. Nə zaman bu üç şəxsin adına rəhmət dilədiyimi eşitsəniz, 
bilin ki, məhz oğullarıma rəhmət diləyirəm”.
Səqifədə Müaviyənin müşahidələri
Mənə verilən xəbərlərin və xəbəri gətirənlərin doğruluğunun dəlili bunları 
səni öz gözlərimizlə görməmizdir. Bu məsələdə başqasından soruşmağa ehti-
yacımız yoxdur. Əbu Bəkrə beyət olunduğu günlərdə səni öz xanımın Fatiməni 
ulaq üzərində, iki oğlun Həsən və Hüseynin əllərindən tutmuş vəziyyətdə Bədr 
əhlini və ilk iman gətirən şəxsləri yardıma çağırdığını, dörd nəfərdən: Sal-
man, Əbu Zərr, Miqdad və Zübeyrdən başqa heç kəsi tapmadığını görmüşük. 
Ömrümə and olsun ki, əgər haqlı olsaydın onlar sənə müsbət cavab verər və 
yardım edərdilər. Lakin onların da təsdiq etmədiyi batil bir şeyi iddia edirdin.
Əbu Süfyanın sənə “Ey Əbu Talibin oğlu, səltənət məsələsində əmin oğ-
luna məğlub oldun. Sənə qalib gələnlər Qüreyşin ən rəzil Təmim (Teym) və 
Üdey qəbilələrindən olanlardır” deyib yardım təklif etdiyini öz qulaqlarımla 
eşitmişəm. Sən isə: “Əgər mühacir və ənsardan qırx nəfər mənə yardım edən 
tapsaydım buna (Yaşlı səhabəyə) qarşı çıxardım” deyə cavab verdin. Bu dörd 
nəfərdən başqa köməkçin olmadığını görüb məcbur edilərək beyət etdin.