Ali-Muhammedin sirleri indd

Peyğəmbərin (s) Quranı İmam Əliyə (ə) imla etməsi
Əmirəl-möminin (ə) buyurdu: “Ey Təlhə! Allah kitabında Muhəmmədə na-
zil etdiyi hər ayəni Peyğəmbər (s) imlası və mənim də əl yazımla yanımdadır. 
Həmçinin, Muhəmmədə enən hər ayənin şərhi, bütün halal, haram, hədd, hökm 
və qiyamət gününə qədər ümmətin ehtiyac duyacağı hər bir şey, hətta atılmış 
cırmağın diyəsi belə Peyğəmbərin imlası və öz əlimlə yazılı olaraq mənim ya-
nımdadır”.
Təlhə dedi: “Kiçik, böyük, xüsusi və ümumi bütün hər şeyin hökmü, olan 
və qiyamətə qədər olacaq şeylər yazılı olaraq səndədir?”
İmam Əli (ə) buyurdu: “Bəli! Bununla bərabər, Peyğəmbər (s) xəstələndiyi 
zaman gizlicə mənə elmdən min qapı açdı ki, hər bir qapıdan da min qapı açılır. 
Əgər bu ümmət Peyğəmbərin (s) vəfatından bəri mənə tabe olub itaət etsəydi 
qiyamət gününə qədər başlarının üstündən və ayaqlarının altından bol-bol 
nemət yeyərdilər.
Peyğəmbərin (s) imlası ilə yazdığı kağız
Ey Təlhə! Peyğəmbər (s) ümmətinin yoldan azmaması və ixtilafa düşmə-
məsi üçün üzərində yazacaq bir parça kağız istədikdə sən orada deyildin? O za-

---

Ali-Muhəmmədin sirləri
75
man yoldaşın (Səhhakın oğlu) ona dedi: “Peyğəmbər sayıqlayır!”. Peyğəmbər 
(s) isə bundan qəzəblənib yazmaqdan imtina etdi”. Təlhə dedi: “Bəli, bunun 
şahidiyəm” dedi.
İmam Əli (ə) buyurdu: “Siz Peyğəmbərin hüzurundan ayrıldıqda o mənə 
həmin kağıza yazmaq istədiklərini və bütün camaatı da şahid tutmaq istədiyini 
mənə söylədi. Cəbrayıl ona xəbər vermişdi ki, Allah bu ümmətin bölünüb ix-
tilafa düşəcəklərini bilir. Sonra kağız istədi və yazmaq istədiklərini mənə imla 
etdi. Üç nəfəri də buna şahid tutdu. Onlar: “Salman, Əbu Zərr və Miqdaddır. 
Bu kağıza Allahın qiyamət gününə qədər itaətlərini əmr etdiyi hidayət imam-
larının adlarını yazdı. Birinci mənim adımı yazdı. Sonra (əlini Həsənə uzatdı) 
bu oğlumun adını yazdı. Ondan sonra Hüseyn və Hüseyndən bu oğlumun (yəni 
Hüseynin) övladlarından doqquz nəfərin adını yazdı. Ey Əbu Zərr, belə olma-
dımı? Ya sən, ey Miqdad?” Əbu Zərr və Miqdad ayağa qalxaraq dedilər: “Biz 
Peyğəmbərin (s) bunları söylədiyinə şahidlik edirik”.
Təlhə dedi: “Allaha and olsun, Peyğəmbərin (s) Əbu Zərr haqqında belə 
buyurub: “Əbu Zərdən daha doğru danışan və daha xeyirli bir şəxsin üzərinə 
səma kölgə salmamış və yer üzərində daşımamışdır”. Mən də bu ikisinin 
həqiqətdən başqasına şahidlik etmədiklərinə şəhadət verirəm. (Ey Əli!) Sən 
mənim nəzərimdə bu ikisindən daha üstün və daha doğru danışansan!
Sonra Əli (ə) üzünü Təlhəyə tutub dedi: “Allahdan qorx, ey Təlhə, ey Zü-
beyr, ey Sad və sən ey Əbdürrəhman ibn Ovf! Allahdan qorxun! Onun razılığını 
üstün tutun və yanında olanları seçin! Allah yolunda danlayanın danlağından 
qorxmayın!”