Axborot uslubiy ta’minotini yaratish va ularni oʻrganish Talaba kurs ishi mavzusini biriktirish toʻgʻrisida ariza bergandan soʻng va kafedra uni tasdiqlagandan soʻng rahbar bilan maslahatlashib adabiyotlar toʻplashiga kirishishi kerak. Bunda nafaqat darslik, balki boshqa fanlarni oʻrganish davomida koʻrsatilgan adabiyotlar va internet manbaalaridan olingan ma’lumotlar, qonunlar, me’yoriy xujjatlar va boshqalarni ham oʻrganishi lozim.
Undan soʻng ularning ichidan kurs ishi mavzusiga bevosita aloqador boʻlgan adabiyotlar roʻyxatini tuzish va ularni topib bir qator tanishib chiqishi kerak, chunki boshlangʻich tanishuv natijasida talaba kurs ishi rejasini mustaqil ravishda tuzadi.
Adabiyotlar va internet ma’lumotlari bilan ishlashni mamlakatimizdagi ta’lim qonunchiligiga ta’luqli boʻlgan qonun va me’yoriy xujjatlarni oʻrganishdan boshlash maqsadga muvofiq boʻladi. Har tomonlama mukammal yoritilgan va ilmiy ijodiy yondoshilgan kurs ishini bayon etish uchun iqtisodiy va tarbiyaviy, qonuniyatlarni bilish va ularni qoʻllash katta ahamiyatga ega.
Kurs ishini bajarishda faqat uslubiy qoʻllanmalarda va kurs ishi topshirigʻida tavsiya qilingan adabiyotlardan foydalanish bilan chegaralanib qolmasdan, imkoni boricha mustaqil holda tanlangan adabiyotlarga asoslanish lozim, hatto xorijiy adabiyotlardan ham foydalanish ishni mazmunini boyishiga va yanada mukammal bajarilishiga yordam beradi.
