Anorganik kimyo

Birikmalari:
Osmiy (VIII)-oksid OsO₄-bu elementning barcha oksidlari ichida eng barqaroridir, osmiy havoda saqlagandayoq sekin-asta OsO₄ hosil bo’ladi.Bu oksid oson suyuqlanuvchan (suyuqlanish temperaturasi 400 ga teng), och sariq tusli kristallik moddadir.Osmiy (VIII)-oksid bug’i o’tkir hidga ega bo’lib nihoyatda zaharli.
Osmiy (VIII)-oksid suvda ancha yaxshi eriydi, shu bilan birga, uning eritmasiga lakmus tushirilsa, kislotali reaksiya namoyon bo’lmaydi.Ammo L.A.Chugayev jahonda birinchi bo’lib (1918 yilda), osmiy (VIII)-oksid kuchli ishqorlar bilan reaksiyaga kirishib, beqaroq kompleks birikmalar hosil qilishini topdi. Osmiy (VIII)-oksidda kuchli oksidlash xossalari bo’lganligi uchun, u organik moddalar bilan shiddatli suratda reaksiyaga kirishib, o’zi qora tusli osmiy (IV)-oksid OsO₂ gacha qaytariladi.
O sO₄ ning mikroskopik preparatlarni bo’yash uchun ishlatilishi ana shunga asoslangan.
OsS₂-to’q-qoramtir tusli kristall, suvda, ishqorlar kuchsiz va konsentratlangan kislota (HNO₃, H₂O₂, HClO₄) larda erimaydi, zar suvida parchalanadi. Organik moddalarni sintez qilishda ishlatiladi.
OsCl₄—qizg’ish-qoramtir tusli kristall, gigroskopik, suv va vodorod xloridda gidrolizlanib, kompleks birikmalar hosil qiladi, organik erituvchilarda erimaydi.
OsCl₄+2H₂O=OsO₂+2H₂[OsCl₄]
OsO₂ — jigarrang-qoramtir tusli modda. Osmiy metalini NO bilan yoki OsO₄ ni qizdirib hosil qilinadi. OsO₂ qizdirilganda OsO₄ va O₂ hosil qilib disproporsiyalanadi.
OsO₄ — rangsiz uchuvchan kristall, o’tkir hidga ega, juda zaharli modda. Organik moddalar ta’sirida oson qaytariladi. Bu oksid kislotalarda oz miqdorda eriydi, kuchli oksidlovchi, ishqorlarda erib [OsO₄(OH₂)₃]^-2 tarkibli ionlar hosil
qiladi:
OsO₄ + 2NaOH = Na₂ [OsO₄ (OH)₂]