Avtomatlaşdırmanın əsasları” fənnindən mühazirələr. Giriş

1. Avtomatlaşdırma texnikasının inkişafı

Sənayedə avtomatlaşdırma texnikası istehsalatın daha ef­fek­tivli olmasına və bununla birlikdə məhsulun faydalılığına və rəqabət qabiliyyətililiyinə, eləcə də əməyin yüngül­ləş­diril­məsinə və təhlükəsizliyinə xidmət edir. O, texniki proseslərin müstəqil yerinə ye­tiril­məsinə yönəldilmişdir. Bunlar elektrik stansiyala­rın­da, pro­kat və metallurgiya zavodlarında, eləcə də kimya səna­yesində, bundan əlavə, metal emalı, laklama və yaxud montaj kimi isteh­salatın sə­naye proseslərində müşa­hi­də olunan ener­jilərin və materialların bir şəkildən başqa şəklə çevrilməsi proses­ləridir.

Hələ sənaye əsrinin başlanğıcından təqribən 150 il əvvəl, məsələn, vintlərin və zəncirlərin hazırlanmasında istifadə olu­nan avtomat maşınlar mövcud idi. Lakin bu maşınlar yara­dıldıqları təyinat məqsədindən əlavə heç nə istehsal etməyə qadir deyildilər.