Axborotlashtirish texnologiyalari

1 – amaliy mashg’ulot
Mavzu: Sanoq sistemalari va unda amallar bajarish, bir sanoq sistemasidan boshqasiga o‘tish.


Reja:

1. 
   Sanoq sistemalari va unda amallar bajarish.
   
2. 
   Bir sanoq sistemasidan boshqasiga o‘tish.
   

3. Mustaqil topshiriqlar bajarish.
Mashg’ulotning maqsadi:

1. 
   Sanoq sistemalari va unda amallar bajarishni o’rganish.
   
2. 
   Bir sanoq sistemasidan boshqa sanoq sistemasiga o’tish ko’nikmalarini shakllantirish.
   

Dars o’tish usuli: Takrorlash, suhbat va savol-javob, mavzu mazmunidan kelib chiqib talabalarga mustaqil topshiriqlar berish va ularni tasavvurini bilish.
Dars o’tish vositalari: Doska,o’uv va uslubiy qo’llanma, topshiriqlar majmuasi.
Dars mazmuni:
Darsning xronologik xaritasi – 80 minut.

1. 
   Tashkiliy qism – 2 minut
   
2. 
   Talabalar bilimi darajasini aniqlash – 10 minut
   
3. 
   Yangi mavzu o’tish (komputerda mustaqil topshiriq) – 50 minut
   
4. 
   Yangi mavzu ni o’zlashtish darajasini aniqlash- 10 minut.
   
5. 
   Sinov savollari – 5 minut.
   
6. 
   Uyga vazifa – 3 minut.
   

Darsning borishi
Sanoq sistemalari
Sanoq sistemalari deganda sonlarni yozish va tanlash qoidalarining majmuasi tushuniladi. Sanoq sistemalari ikki turga bo’linadi: pozitsion va pozitsion bo’lmagan.
Sanoq sistemasida raqamlar soni uning asosi deb yuritiladi. Har qanday son raqamlar ketma-ketligi ko’rinishida yoziladi:
o’nlik sanoq sistemasida 1985₁₀, 137,85₁₀
ikkilik sanoq sistemasida 1001₂, 11001,01₂
sakkizlik sanoq sistemasida 6534₈, 234, 05₈
Bu yerda sonlarning indeksi uning asosini bildiradi. Sonlarni yozishda har bir raqamning qiymati uning turgan o’rniga bog’liq bo’ladi. Sonda raqam uchun joy razryad, sondagi raqamlar soni esa sonning razryadi deb ataladi.Komputerda sonlar ikkilik, sakkizlik, o’n oltilik sanoq sistemalarida ham ifodalanishi mumkin.