Ayətullah məHƏMMƏd məHƏMMƏDİ reyşƏHRİ İslamda aiLƏ SƏADƏTİ Mütərcim: Dr. Əfzələddin Rəhimov

Ailə qurmağın xeyir və bərəkətləri

9. Allahın rəsulu (s): Ərsiz qadınları evləndirin. Çünki (bununla) Allah-təala onların əxlaqını gözəlləşdirər. Ruzilərini artırar və onların mürüvvətini çoxaldar.⁵

10. Allahın rəsulu (s): Allah-təalanın yanında, ailəli şəxsin qıldığı iki rükət namaz, subay şəxsin qıldığı vetmiş rükət namaz dəyərindədir.⁶

11. Allahın rəsulu (s): Allah-təalanın yanında, ailəli şəxsin qıldığı iki rükət namaz, subay şəxsin gecəni ibadətlə məşğul olub, gündüz oruc tutmasından daha qiymətlidir.¹

12. Allahın rəsulu (s): Yatmış halda olan evli, Allah-təala yanında, (gündüzlər) oruc tutub, gecələr ibadət etmək üçün yuxudan qalxan subay şəxsdən daha üstündür.²

13. Allahın rəsulu (s): Evlənən şəxsə ibadətlərinin yarısının savabı (qabaqcadan) əta olunar.³

14. Allahın rəsulu (s): Hər kimə bu dörd şey qismət olsa, daha axirət aləmi üçün (saleh) əməllər əncam verməməyə üzür və bəhanəsi qalmaz: Ona dünya və axirət işlərində yadım edən ləyaqətli qadın, (itaətkar) yaxşı övlad, öz şəhərində iş sahibi olmaq, yaxşı əxlaqa sahib olduğu üçün inanlarla gözəl davranmaq və mənim Əhli-beytimi sevmək.⁴

15. Allahın rəsulu (s): Ləyaqətli qadın ərinin dinini qorumağına köməkçidir.⁵

16. Həzrət Əli (ə): Ləyaqətli qadın(ı sevmək) dünya malı(na hərislik, dünyapərəstlik) sayılmır. Doğrusu, o, axirət (əməllərindən)dir. Çünki axirətiniz üçün çalışmağınıza səbəb olur. Belə ki, özünüz yemək hazırlasaydınız, heyvanlarınızı otlağa aparsaydınız və yatağınızı özünüz səliqəyə salsaydınız, axirət işlərini layiqincə yerinə yetirə bilməzdiniz.¹

17. İmam Sadiq (ə): Mömin şəxs üç şey üçün (axirətdə) hesab-kitab verməz: Yediyi yemək, geydiyi paltar və ona günahlardan uzaqlaşmaq üçün yardım edən ləyaqətli qadın.²

3\1