140. İmam Sadiq (ə): Üç şey insan bədənini zəiflədər və hətta məhv edər: Duzlanmış halda qoxuyan əti yemək, tox halda hamama getmək və qoca qarılarla nikah bağlamaq (cinsi əlaqədə olamq).3
6- Aşağıdakı xüsusiyyətlərə malik olan qadınlarla ailə qurmayın1
141. "Əl-Xisal": Zeyd ibn Sabit rəvayət edir: Allahın elçisi (s) mənə buyurdu: "Ey Zeyd, evlisənmi?"
Dedim: Xeyir.
"Evlən ki, iffət-həyanı qoruyub saxlaya biləsən. Amma bu beş xüsusiyyətə malik olan qadınlarla evlənmə."
Onlar hansılardı, ey Allahın peyğəmbəri?
"Şəhbərə, ləhbərə, nəhbərə, həydərə və ləfitla evlənmə."
Ey Allahın elçisi! Mən sizin kəlamlarınızdan bir şey anlamadım. Çünki qadınlar haqqında heç bir məlumatım yoxdur.
"Sən ərəb deyilsənmi? Şəhbərə, acı dilli yaşıl və göy gözlü qadındır. Ləhbərə, uzun boylu həddən artıq arıq qadına deyilir. Nəhbərə, qısa boylu çirkin qadındır. Həydərə, şəhvəti ölmüş qoca qarıya deyilir. Ləfut isə başqasından uşağı olan qadındır."1
