Ayətullah Seyid Əli Xamenei
Birinci fəsil: Böyük Peyğəmbər (s)
Yüklə 1,43 Mb. Pdf görüntüsü
|
| Birinci fəsil: Böyük Peyğəmbər (s)
Allah elçisinin (s) mühüm işi haqqa dәvәt vә bu dәvәt yolunda cihad idi. Əziz Peyğәmbәr (s) öz dövrünün zülmәt dünyası qarşısında tәşvişә düşmәdi. İstәr Mәkkәdә yalqız, yaxud kiçik bir qrup olan müsәlmanların әhatәsindә olduğu zaman, qarşısında isә tәkәbbürlü әrәb başçılarının, Qüreyş dilavәrlәrinin vә hegemonların kobud xarakterlәrlә vә qüdrәtlә durduğu gün onlardan, yaxud elmdәn heç bir bәhrәsi olmayan avam insanlardan qorxmadı. Öz haqq sözünü dedi, tәkrar vә izah etdi, aydınlaşdırdı, tәhqirlәrә, çәtinliklәrә, әzablara dözdü vә böyük bir qrupu müsәlman etmәyi bacardı. Peyğәmbәr (s) bu dәvәt vә cihad sәhnәsindә bir an da zәiflik göstәrmәdi, İslam cәmiyyәtini qüdrәtlә irәliyә aparıb şәrәf vә iqtidarın zirvәsinә çatdırdı. İstәrsә dә İslam hökumәti tәşkil edib özü bu hökumәtin başçısı kimi qüdrәtә sahib olanda heç nәdәn qorxmadı. O zaman da müxtәlif düşmәnlәr vә müxaliflәr Peyğәmbәrә (s) qarşı çıxdılar; istәr silahlı әrәblәr, – Hicaz vә Yәmamә sәhraları boyunca vәhşi qәbilәlәr yaşayırdılar; İslamın dәvәti onları islah etmәli idi, onlarsa müqavimәt göstәrirdilәr - istәr o zamankı dünyanın böyük padşahları – dünyanın o zamankı iki böyük gücü olan İran vә Roma imperiyası. Peyğәmbәr (s) onlara mәktublar yazırdı, sözlәrini deyirdi, qoşun yeridirdi, çәtinlik çәkirdi, iqtisadi mühasirәyә düşürdü, Mәdinә xalqı onların ucbatından bәzәn iki-üç gün yemәyә çörәk tapmırdı. O zaman hәr tәrәfdәn çoxlu tәhlükә Peyğәmbәri (s) әhatә etmişdi. İnsanların bәzisi nigaran olur, bәzisi zәiflik göstәrir, bәzisi deyinir, bәzisi Peyğәmbәri (s) mülayimliyә vә barışığa hәvәslәndirirdi. Amma Peyğәmbәr (s) bu dәvәt vә cihad sәhnәsindә bir an da zәiflik göstәrmәdi, İslam cәmiyyәtini qüdrәtlә irәliyә aparıb izzәt vә iqtidarın zirvәsinә çatdırdı. Hәmin quruluş vә cәmiyyәt Peyğәmbәrin (s) müharibә vә dәvәt sahәlәrindә göstәrdiyi müqavimәt sayәsindә sonrakı illәrdә dünyanın birinci qüvvәsinә çevrilә bildi. |