| Relyef səth üzərində olub, yalnız ön tərəfdən görünür. Həmin səth fon rolunu oynayır. Relyef aşağıdakı növlərə bölünür: – barelyef (az qabardılma; pul və medalların üzərindəki təsvirlər), qorelyef (çox qabardılma; monumental və dəzgah heykəltəraşlığında istifadə edilən) və kontrrelyef (möhürlərin və digər formaların üzərindəki kimi).
Hələ qədim dövrdən heykəltəraşlıq bir neçə sahəyə ayrılır: – monumental, dekorativ, dəzgah, kiçik forma heykəltəraşlığı.
Monumental hüykəltəraşlıq – bilavasitə memarlıqla əlaqədardır. Monumental heykəllər böyük şəhərlərin meydanlarında, enli küçə və xiyabanlarda, dövlət və ictimai binaların qarşısında qoyulur. Tarixi, ictimai ideyaları təbliğ edən bu heykəllər abidə kimi ayrı-ayrı tarixi hadisələrə, inqilabçı şəxslərə, dahi rəhbərlərə, görkəmli dövlət və mədəniyyət xadimlərinə həsr edilir və onların xatirəsini əbədiləşdirmək məqsədini güdür. Adətən, belə abidələr tunc, mərmər və qranit kimi davamlı və möhkəm materiallardan hazırlanır və xüsusi kürsülər (postament) üzərində ucaldılır. Monumentallıq heykəltəraşlığın imkanlarından biri olub, onun memarlıqla sintezini təmin edir. Monumental heykəllərə abidə, monument, çoxfiqurlu relyef və s. aiddir.
Dostları ilə paylaş: |
