Azərbaycan Dillər Universiteti ilə ödənişli əsaslarla Təhsilalan arasında
FƏRDİ MÜQAVİLƏ №_____
Bakı şəhəri “_____” __________ 2020-ci il.
Bir tərəfdən Azərbaycan Respublikasının qanunvericilik aktları və öz Nizamnaməsi əsasında fəaliyyət göstərən Azərbaycan Dillər Universiteti, bundan sonra “ADU” adlandırılacaq, rektor akad. K.M.Abdullayevin şəxsində, digər tərəfdən “Təhsilalan” adlandırılacaq tələbə ____________________________________________________ aşağıdakı şərtlərlə bu Müqaviləni bağlayır.
1. Müqavilənin predmeti
1.1. ADU Təhsilalana ixtisaslaşma təhsil proqramının ali təhsil formasının bakalavr pilləsi üzrə təhsil xidməti göstərir.
1.2. Təhsil müddəti mövcud qanunvericiliyə əsasən 2020/2021-ci tədris ilindən başlayaraq 4 il müəyyənləşdirilir.
2. Tərəflərin hüquq və vəzifələri
2.1. ADU:
2.1.1. Təhsil müddətində təhsilin tələblərinə cavab verməyən, ADU-nun daxili intizam və davranış qaydalarına riayət etməyən Təhsilalan barədə inzibati tədbirlər görmək;
2.1.2. ADU-ya daxil olub təhsil haqqı ödədikdən sonra təhsil almaqdan imtina edən və ya digər təhsil müəssisələrinə keçən Təhsilalanın ödədiyi vəsaiti qanunvericilikdə nəzərdə tutulmuş hallarda geri qaytarmaq;
2.1.3. Təhsil proqramını müvəffəqiyyətlə başa vuran və Müqavilə üzrə bütün öhdəlikləri yerinə yetirən Təhsilalana ali peşə təhsilini bitirməsi haqqında dövlət nümunəli diplom vermək;
2.1.4. Ali təhsil müəssisəsinin Təhsilalandan təhsil müddətində bu Müqavilə üzrə öhdəliklərinin yerinə yetirilməsini, habelə ali təhsil müəssisəsinin qayda və tələblərinə riayət edilməsini tələb etmək hüququ vardır.
Dostları ilə paylaş: | 
