| Kübrələrlə işləyərkən təhlükəsizlik texnikasına tələbat
Kübrələr içərisində ən təhlükəlisi maye və sulu ammonyak və ammonium şorası hesab edilir.
Havada amonyakın çoxlu qarışıcı olduqda ağır və öldürücü zəhərlənmə baş ve-rir. Bundan başqa ammonyakla hava qarışığı partlayış üçün təhlükə yaradır. Ona gö-rədə ammonyakdan torpaqda istifadə etdikdə və habelə onu daşıdıqda və saxladıqda təhlükəsizlik qaydalarına düzgün riayət edilməlidir.
Ammonyakla işləməyə xüsusi öyrədilmiş 18 yaşdan yuxarı şəxslərə icazə verilir. Maye və sulu ammonyak xüsusi qablarda (çənlərdə) daşınmalıdır. Həmçinin o başqa sahələrdən (obyektlərdən) 500m. məsafədə saxlanılmalıdır. Sulu ammonyakın qabları üzərinə “Sulu Ammonyak” və “Zəhər” sözləri yazılmalıdır. Qabların üzəri açıq rənglə rənglənməli və hava buraxıcı klapan qoyulmalıdır.
Qabın xarici boru kəmərləri, kranları və b. birləşən yerləri sarı rənglə rənglənmə-lidir.
Maye ammonyak saxlanan anbarın yaxınlığında açıq alovdan istifadə etmək qa-dağandır.
Qabların və boru kəmərlərinin təmiri və nəzarəti ammonyakla davranış qaydala-rını yaxşı bilən adama təpşırılmalıdır. Qabları və botu kəmərlərini qaynak etməzdən qabaq su və su buxarı vasitəsilə (mütləq) yuyulmalıdır.
Maye ammonyakla yalnız xüsusi paltarda və tənəffüs orqanlarını mühafizə edən “KD ” markalı əleyhiqazla işləməyə icazə verilir. Yüksək konsentrasiyalı ammon-yakla işləyən vaxtı bəzən adi əleyhiqaz mühafizə etmir, ona görə də belə hallarda bo-rulu əleyhiqazlardan istifadə edilməlidir.
Ammonyak və ammonium şorası ilə işləyən adamlar qabaqcadan onun oda və partlayışına təhlükəli xassələri haqqında xüsusi təlimatlandırılmalıdır.
Ammonyak saxlanan anbarlar yanğın əleyhinə su ilə təmin olunmalı, siqnallaş-dırma sistemi ilə avadanlıqlaşdırılmalı və oraya nəzarətçi təyin edilməlidir.
Dostları ilə paylaş: | 
