Yüksək sürətli maşın və aqreqatlarla işləyərkən təhlükəsizlik
tədbirləri.
Traktorlarda, kombaynlarda və başqa yüksək sürətli kənd təsərrüfatı maşın və alətlərində işlədikdə, işin təhlükəsizliyi ilk növbədə traktorçunun, kombaynçının həmçinin yardımçı heyətin bilik dərəcəsindən asılıdır.
Bu maşınları idarə etmək üçün yaşı 18-ə çatmış xüsusi hazırlıq keçmiş, təhlükə-sizlik texnikası qaydalarını mənimsəmiş və imtahan vermiş şəxslər buraxılır.
Mexanizator texniki cəhətdən nasaz olan maşında işləməməlidir və ondan bunu tələb etməyə heç kimin hüququ yoxdur.
Traktorçu kənd təsərrüfatı traktorları ilə aqreqatlaşdırılmış maşın və alətlərin istismar edilməsində təhlükəsizlik texnikasının qayda və tələblərini bilməli, onları ye-rinə yetirməlidirlər. Traktor aqreqatlarının yüksək sürətlə işlədilməsi zamanı təhlükə-sizlik texnikası qaydalarına dəqiq əməl etməklə yanaşı traktorçudan xüsusi diqqət və ehtiyatlılıq tələb edilir. Yüksək sürətlə hərəkət etdikdə kəskin dönmələrə yol vermək olmaz. Dönmədən qabaq torpaq becərən alətləri açmalı yaxud iş vəziyyətindən nəq-liyyat vəziyyətinə gətirməli, dönmədən sonra iş vəziyyətinə gətirməli.
Yüksək sürətli traktorları idarə etmək üçün hərəkətin təhlükəsizlik qaydalarını mənimsəmiş və müvafiq şəhadətnaməsi olan birinci və 2-ci dərəcəli traktorçular bu-raxılır. Nəqliyyat işlərində təkərli traktorlardan istifadə etdikdə qabaq və arxa təkərlər maksimal enə görə müvazinətləşdirilir. Traktorların hərəkət sürətləri keçidlərdə 10 km/saat-dan istehsalat binalarında isə 2 km/saat-dan artıq olmamalıdır.
Əhali yaşayan məntəqələrdən keçərkən ehtiyatlı olmaq tələb olunur.
Qarşı-qarşıya hərəkət etdikdə hökmən sağ tərəflə hərəkət etməli və 2m-dən az olmayaraq eninə doğru interval saxlamaq lazımdır. Əgər traktorlar kalona ilə hərəkət edirlərsə, onda 30 m.ara məsafəsi saxlanılmalıdır. Nəqliyyat keçidlərində asma alətlər möhkəmləndirilməli və orada insanların olmasına yol verilməməlidir. Nəqliyyat işləri zamanı hava pis olduqda, yollar sürüşkən, döngəli, enişli və yoxuşlu olduqda nəqliy-yatın hərəkət sürətini artırmaqla yol verilmir. Hərəkət zamanı yollarda olan yol nişan-larının göstərişinə əməl etmək lazımdır.
Dostları ilə paylaş: | 
