Azərbaycan Dövlət İqtisad Universiteti (unec) “Ətraf mühitin mühafizəsi və iqtisadiyyatı” kafedrasının dosenti
Yüklə 338,17 Kb. Pdf görüntüsü
|
| s. aiddir. Birləşmiş Millətlər Təşkilatının 1992-ci ildə Rio-de-Janeyro şəhərində
keçirilmiş beynəlxalq konfransında dünya ölkələrinin perspektiv inkişafının mövcud ekoloji problemlərin hansı yollarla həll edilməsindən asılı olacağı qeyd edilmişdir. Həmin konfransda “Davamlı inkişaf“ konsepsiyası qəbul edilmişdir ki, bu da bütün ekologiya üzrə fəaliyyət göstərən qeyri-hökumət və ekoloji təşkilatların proqram sənədi hesab olunur. Qeyd edilmişdir ki, ekoloji problemlərin həlli ilk növbədə iqtisadiyyatın səmərələliyinin artırılması və ətraf mühitin mühafizəsinin təmin olunmasından asılıdır. Rio-de-Janeyro şəhərində keçirilən konfransdan sonra 2002-ci ildə Yohannesburq şəhərində və 2012-ci ildə yenidən Rio-de- Janeyroda keçirilmiş Davamlı İnkişaf üzrə Dünya sammitlərində davamlı inkişaf prinsipləri yenidən təsdiqlənmişdir. Azərbaycan Respublikasının ekoloji-iqtisadi strategiyası, ətraf mühitin mühafizəsi üzrə fəaliyyətin əlaqələndirilməsi, təbii ehtiyatların həm milli, həm də regional və beynəlxalq səviyyələrdə elmi cəhətdən qorunması, mövcud və gələcək nəsillərin ekoloji-iqtisadi maraqlarının daha səmərəli təminatına istiqamətlənmişdir. Azərbaycan Respublikası yenidən müstəqillik qazandıqdan və bazar iqtisadiyyatı yolununa keçdikdən sonra ölkədə ətraf təbii mühitin qorunması üzrə müasir dövrün tələblərinə cavab verən yeni ekoloji siyasət işlənib hazırlanmışdır ki, onun da başlıca məramı mövcud və gələcək nəsillərin tələbatlarının ödənilməsi üçün təbii ekosistemlərin, iqtisadi resurs potensialının qorunmasından və təbii sərvətlərdən kompleks istifadə edilməsindən ibarətdir. Ətraf təbii mühitin
qorunması, insan cəmiyyətinin sağlam ətraf mühitdə mövcudluğu və təbii resurslardan əhalinin maddi rifah halının yüksəldilməsi üçün istifadəsi həyata keçirilən sosial- iqtisadi islahatlarda əsas yer tutur.
Yüklə 338,17 Kb. Dostları ilə paylaş:
|