Ali təhsil 2 hissədən ibarətdir: universitet təhsili və universitetdən sonrakı təhsil mərhələsi. Dövlətə məxsus ali məktəblərdə təhsil ödənişsiz əsaslarla həyata keçirilir. Bəzən bakalavr və magistr təhsili proqramlarının ingilis və Braziliya dillərində tədrisinə təsadüf etmək mümkündür.
Texniki peşə təhsili verən ali məktəblərə də tələbat böyükdür. Belə tədris ocaqları əsasən istehsalat sahələri və digər müvafiq müəssisələrlə sıx əməkdaşlıq edir.
Özəl təhsil müəssisələrində daha çox əmək bazarının tələbatına uyğun mütəxəssislər hazırlanır. Dövlət təhsil müəssisələrində isə əsasən, elmi-tədqiqat sahələrinə maraq göstərənlər oxuyurlar.
Əsas özəl təhsil müəssisələri sırasına Rio-de Janeyro Universiteti, Sao Paulo Katolik Universiteti, Kampinas Universiteti daxildir. Sao Paulo Universitetinin nəzdində 40 institut, kollec və məktəblər fəaliyyət göstərir.
Braziliya ali təhsil müəssisələrinə daxil olmaq istəyən əcnəbilər Celpe-Bras imtahanını verməlidirlər.
Celpe-Bras sertifikatı
Braziliya Təhsil Nazirliyi tərəfindən rəsmi olaraq tanınan və inkişaf etdirilən ikinci dil kimi Braziliya Portuqaliyasında yeganə biliyə dair sertifikatdır.
Celpe-Bras imtahanı Braziliya Beynəlxalq Əlaqələr Nazirliyinin dəstəyi ilə Braziliyada və ABŞ, Almaniya, Çili, Kolumbiya və Yaponiya kimi bir çox başqa ölkələrdə təklif olunur .
Bütün namizədlər eyni imtahanı verirlər və sonradan dörd səviyyədən birini əldə etmiş kimi təsnif edilirlər: orta, yuxarı orta, qabaqcıl və ya yüksək səviyyəli.
İmtahan ildə iki dəfə, aprel və oktyabr aylarında keçirilir və imtahanda iştirak etmək üçün namizədlərin yaşı 16-dan yuxarı olmalıdır. İmtahan gündəlik həyat vəziyyətlərində tələbələrin dil qabiliyyətini qiymətləndirir.
CELPE-Bras sertifikatına sahib olan tələbələr Portuqal dilində həm danışıq, həm də yazılı şəkildə ünsiyyət qura bilirlər.
Braziliyada elmi və texnoloji tədqiqatlar əsasən dövlət universitetləri və tədqiqat institutlarında həyata keçirilir. Tədqiqat işlərinin 73 faizi dövlət tərəfindən maliyyələşdirilir.
Ölkənin ən məşhur tədqiqat müəssisələri sırasına Osvaldo Kruz İnstitutu, Butantan İnstitutu, Aerofəza Texniki Mərkəzi, Braziliya Kənd Təsərrüfatı Tədqiqi Korporasiyası, Fəza Tədqiqatı üzrə Milli institutlar daxildir. Bunlarla yanaşı, Dənizçilik Mərkəzi, Nüvə Enerjisi Mərkəzi, Texniki və Enerji İnstitutu, Braziliya Araşdırmalar İnstitutu fəaliyyət göstərir
Tibb, mühəndislik və kompüter elmləri, sosial və tətbiqi elmlər, bioloji elmlər, kənd təsərrüfatı, incəsənət və dilçilik elmləri aparılan elmi tədqiqat işlərinin əsas istiqamətlərindəndir.
