| Hurinnisa:
Başına döndüyüm cavan
Cavan xoş gəldin, xoş gəldin.
Yolunda qoymuşam bir can.
Cavan xoş gəldin, xoş gəldin
Şahzada qızı belə eşqə mübtəla görüb, öz-özünə: “Ey dil qafil, bu qıza özünü tez tanıt ki, qoşun içərisində səni rüsvay edər. Qardaşının yanında papağın aşağı olar”.
Asdan bu fikirnən Hurinnisanın cavabında deyir:
Asdan şah:
Başına döndüyüm gözəl
Ay qız, yarın mən döyüləm.
Əsər yellər, tökər xazan
Ay qız, yarın mən döyüləm.
Hurinnisa:
Ha ağlaram yana-yana,
Dərdindən oldum divana,
Sən bənzərsən o canana
Cavan xoş gəldin, xoş gəldin.
Asdan şah:
Can alırsan qələm, qaşnan
Tor qurursan siyah saşnan
Çox gezibsən yaşılbaşnan
Ay qız, yarın mən döyüləm.
Hurinnisa:
Bilmirəm hardan gəlirsən
Bağrımın başın dəlirsən
Baxışınnan can alırsan
Cavan xoş gəldin, xoş gəldin.
Asdan şah:
Qoşun əhli yar yoldaşım
Çox bəlalər çekib başın
Yarın İbrahim qardaşım
Ay qız yarın mən döyüləm.
Dostları ilə paylaş: | 
