| Şahzada Bəhram:
İsfahan şahının nə idi adı?
Şirin canım yar yolunda fədadı
Oğlan bu meydanə gəlmək xeyli bəladı
Xəbər ver sən İsfahanın elindən.
Şahzada Heydər:
Astan şahdı o Bəhrəmin atası
Gül Çöhrədi o yazığın anası
Yalan deməm budu sözüm mənası
Baş götürüb bu meydanə gəlmişəm.
Şahzada Bəhram:
Bu sözdərnən cigərimi yandırdın
Sınıx könlüm çırağını söndürdün
Əbəs gəldin mən fağırı dindirdin
Qəsd eyliyib şirin canə gəlmisən.
Şahzada Heydər:
Bəlalı görmüşəm mən öz başımı
Axıtdın didəmin qanlı yaşını
Görcəyin tanıdım öz qardaşımı
Sənnən ötrü bu meydanə gəlmişəm.
Şahzada Bəhram:
Nə müddətdi düşmüş idim zindanə
Az qalmışdı ömrüm gedə tufanə
Yazıxsan qəsd etmə o şirin cana
Əcəl tutub bu meydanə gəlmisən.
Şahzada Heydər:
Sən bilginən sözdərimdə doğruyam
İsfahanda Astan şahın oğluyam
Heydər şaham dərd əlindən dağlıyam
Sənnən ötrü bu meydanə gəlmişəm.
Dostları ilə paylaş: | 
