Azərbaycan Hava Yolları

“Azərbaycan Hava Yolları” Dövlət Konserni tərəfindən istiqamətlər üzrə həyata keçirilən ölkədaxili sərnişin daşıma xidmətlərinin tarifləri barədə

AZƏRBAYCAN RESPUBLİKASININ TARİF (QİYMƏT) ŞURASININ 24 SAYLI QƏRARI

2007-ci il 25 dekabr

Azərbaycan Respublikası Prezidentinin «Azərbaycan Respublikasının Tarif (qiymət) Şurası haqqında Əsasnamə»nin təsdiq edilməsi barədə» 2005-ci il 26 dekabr tarixli 341 nömrəli Fərmanına, Azərbaycan Respublikası Nazirlər Kabinetinin 2005-ci il 30 dekabr tarixli 247 nömrəli qərarı ilə təsdiq edilmiş «Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təmin edilməsi Qaydaları»na və Azərbaycan Respublikasının Tarif (qiymət) Şurasının 2007-cı il 25 dekabr tarixli iclasının protokoluna əsasən QƏRARA ALIR:

Sıra №-si	İstiqamətlərin adı	Tarif (ƏDV ilə manatla)
1.	Bakı-Naxçıvan	95,0
2.	Naxçıvan-Bakı	95,0
3.	Gəncə-Naxçıvan	39,0
4.	Naxçıvan-Gəncə	39,0
5.	Bakı-Gəncə	56,0
6.	Gəncə-Bakı	56,0
7.	Bakı-Lənkəran	41,0
8.	Lənkəran-Bakı	41,0
9.	Bakı-Zaqatala	52,0
10.	Zaqatala-Bakı	52,0

2. Bu qərarın 1-ci bəndində göstərilən istiqamətlər üzrə daşınan hər 1 (bir) kiloqram yükün, poçtun və normativdən artıq baqajın daşınması üçün tariflər 30 qəpik səviyyəsində təsdiq edilsin.

3. Bu qərara müvafiq olaraq “Azərbaycan Hava Yolları” Dövlət Konserni vasitəsi ilə daşınan Azərbaycan Respublikasının vətəndaşlarına və vətəndaşlığı olmayan şəxslərə güzəştlərin tətbiqi ilə bağlı Azərbaycan Respublikası Nazirlər Kabinetinə müraciət olunsun.

4. Bu qərar 2008-ci il 01 yanvar tarixindən qüvvəyə minir və ölkədaxili hava xətləri ilə sərnişin daşıma xidmətləri üzrə əvvəllər qəbul olunmuş tariflər qüvvədən düşmüş hesab edilir.

Azərbaycan Respublikası

Tarif (qiymət) Şurasının Sədri                                                                                            H. Babayev