İnformasiya cəmiyyəti şəraitində milli təhlükəsizliyin struktur komponentləri araşdırılmış və informasiya təhlükəsizliyi ilə qarşılıqlı münasibətləri analiz edilmiş, elektron mühitə olan bəzi təhlükələr identifikasiya edilmiş və bu təhdidlərdən mühafizə üçün tövsiyələr işlənilmişdir.
COVID-19 pandemiyası zamanı meydana çıxan yeni kibertəhdidlər analiz edilmiş və tövsiyələr işlənmişdir.
Kompüter şəbəkələrinin trafikinin həcminin qısamüddətli proqnozu üçün CART (Classification and Regression Trees) metodu əsasında yanaşma təklif edilmişdir.
İnternet mühitində uşaqların zərərli veb-kontentlərə girişini aşkarlamaq üçün geniş tətbiq olunan kontent-filtrasiya metodları analiz edilmiş və tövsiyələr işlənilmişdir.
Uşaqların İnternet mühitində zərərli informasiyaya girişini idarə etmək üçün verilənlərin sanitarizasiyasını (təmizlənməsini) həyata keçirən dərin neyron şəbəkə yanaşması təklif olunmuşdur.
Neft-qaz sənayesinin monitorinqi və idarə edilməsində geniş istifadə olunan bulud əsaslı SCADA sistemlərinin təhlükəsizliyinin yüksəldilməsi üçün tövsiyələr işlənilmişdir.
Kibercinəyatkarlıqla mübarizədə folklorun imkanları araşdırılmış, süni intellekt texnologiyalarının tətbiqi ilə bədniyyətli fərdlərin və ziyanlı kontentlərin aşkarlanması üçün bəzi konseptual yanaşmalar təklif olunmuşdur.