1. Gövhər Qazıyeva (1885-1958) – pedaqoq. Əvvəlcə Aleksandrinski qız məktəbində, sonra isə üçüncü şəhər rus-müsəlman qız məktəbində, Bakı Pedaqoji Texnikumunda müəllim işləmişdir. Savadsızlığa qarşı mübarizə hərəkatının iştirakşısı olmuşdur.
2. Xatirələrdə bu cümlənin yer alması təsadüfi deyil. Z.Axundovanın adı çəkilən dissertasiyasında H.Z.Tağıyevin və Sona xanımın məktəb şagirdləri və müəllimləri ilə kobud rəftarı və digər xoşagəlməz hallar haqqında xeyli əsassız “faktlar” irəli sürüldüyündən güman etmək olar ki, Sara Tağıyeva-Sarayeva Gövhər Qazıyevadan bu məsələyə aydınlıq gətirməyi xahiş etmişdir.
3. Hacının bədxahları, daha sonra isə bəzi sovet müəllifləri H.Z.Tağıyevin adını ləkələmək üçün onun yaratdığı məktəbdə əxlaqsızlığın hökm sürdüyünü iddia edirdilər. Bu səbəbdən Gövhər Qazıyeva həmin iddiaları təkzib edir.
