Qeyd:
1. Məşədi bəy Əzizbəyov (1876-1918) - ictimai-siyasi xadim. Bakı realnı məktəbini bitirdikdən (1896) sonra 1899-cu ildə Peterburq Texnologiya İnstitutuna qəbul edilmiş, H.Z.Tağıyevin maddi köməyi ilə orada təhsil almışdır. Bakının ictimai həyatında fəal iştirak etmiş, “Nicat” maarif cəmiyyətinin rəhbərlərindən biri olmuşdur. Azərbaycanda Sovet hakimiyyətinin qurulması uğrunda mübarizə aparmışdır.
Nəsir Bağır oğlunun xatirələri
Mən, Nəsir Bağır oğlu 1887-ci ildə anadan olmuşam. 1901-ci ildən Lenin fabrikində yaşayıram. Tağıyev həftədə bir dəfə şəhərdən fabrikə gələrdi. Gələndə fəhlələrə deyərdi: “Oğlanlarım, fabrikdə məktəb açmışam, uşaqlarınızı oxutdurun, bisavad olmasınlar”. Fabrikin içərisində yerə düşmüş pambığı görəndə Hacı deyərdi: “Oğlanlarım, bu pambıq sizin çörəyinizdir, ayaq altına tökməyin və qədrini bilin”.
Eşitdiyimə görə, çoxlu qar yağanda Hacı ərsiz qadınlara un göndərirdi.
MATM NF, №20083
Dostları ilə paylaş: |
