Qeyd və şərhlər:
1. Əzizbəyov rayonu – indiki Xəzər rayonu.
2. Soltan Məcid Qənizadə H.Z.Tağıyevin çarla görüşünü belə nəql edirdi: “III Aleksandr taxta çıxıb tacgüzarlıq etdikdə Zaqafqaziya müsəlmanları tərəfindən Hacı Zeynalabdin Tağıyev Peterburqa nümayəndə göndərilmişdi. Mərasim zamanı nazirlər soveti sədri çarın sağ tərəfində dayanıb, gələnləri bir-bir ona təqdim edirmiş. Hacı Zeynalabdin müsəlman libasında, əynində arxalıq, üstündə çuxa, ayağında Şirazi çarıq, əlində dəsmal, duz, çörək çara yaxınlaşanda nazirlər soveti sədri, elə güman edir ki, Tağıyev başa düşmür, deyir: “Ваше величество, это представитель дикого народа (Əlahəzrət, bu vəhşi xalqın nümayəndəsidir)”. Tağıyev deyir: “Мы не дикие, мой народ не дикий, он имеет богатую, многовековую свою историю”. (Biz vəhşi deyilik, mənim xalqım vəhşi deyil, o, çoxəsrlik zəngin tarixə malikdir)” (Manaf Süleymanovun “Eşitdiklərim, oxuduqlarım, gördüklərim” kitabından, Bakı, 1987, səh. 89-90).
Dostları ilə paylaş: |
