1. Sidqi Ruhulla(1886-1959) – aktyor, teatr xadimi, Azərbaycan peşəkar teatr sənətinin banilərindən biri.
2. Mir Məhəmməd Kərim Mir Cəfərzadə (1853-1938) – ruhani, ictimai xadim. Bağdadda təhsil almışdır.Bakıda axund, bir müddət quberniya qazısı vəzifəsində çalışıb. İlk dəfə Quranın üç cilddən ibarət azərbaycanca təfsirini vermişdir. Tərcüməni və onun çapını H.Z.Tağıyev maliyyələşdirmişdir.
3. Mirzə Əbu Turab Axundov (1835-1908) – din xadimi, ilahiyyatçı, publisist. Mədinədə təhsil almışdır. Bakı məscidlərində axund olmuşdur. Moizələrində və əsərlərində maarifin, elmin yayılmasını təbliğ edir, dini fanatizmin, mövhümatın əleyhinə çıxış edirdi. Öz qızını Hacının təsis etdiyi Aleksandrinski qız məktəbinə oxumağa qoymuşdur. H.Z.Tağıyevə xüsusi hörmət bəsləyirdi. Hacının vəsiyyətinə əsasən onu Mirzə Əbu Turabın Mərdəkandakı məzarının yanında dəfn ediblər.
