2. Reyhan Topçubaşova(1905-1970) – Azərbaycanın ilk qadın rəssamlarından biri, əməkdar incəsənət xadimi. İlk təhsilini Aleksandrinski qız məktəbində almış, Bakı Pedaqoji Texnikumunda dərs demişdir. Professional rəssamlıq təhsili almışdır. Azərbaycanın görkəmli cərrahı Mustafa Topçubaşovun həyat yoldaşı və tibb elmləri doktoru, professor İbrahim Topçubaşovun anasıdır.
3. Ədilə Şahtaxtinskaya (1894-1949) – pedaqoq, məşhur həkim-ginekoloq. 1912-ci ildə Tiflis ikinci qız gimnaziyasını bitirmişdir. Bakıya gəldikdən sonra Aleksandrinski məktəbində əvvəlcə müəllim, sonra müdir işləmiş, ikiillik pedaqoji kurslarda dərs demişdir. 1924-cü ildə Azərbaycan Dövlət Universitetini bitirərək, azərbaycanlı qadınlar arasında ilk ali təhsilli ginekoloq olmuşdur. Azərbaycan Dövlət Tibb İnstitutunun professoru olan Ə.Şahtaxtinskaya səhiyyənin və tibb elminin inkişafında böyük xidmətlər göstərmişdir.
4. Mətndə “kişi” sözü S.Tağıyeva-Sarayevanın əli ilə “qadın” sözünə düzəldilib.
