T.P.Mayzelisin xatirələri
Mən, 1907-ci il təvəllüdlü T.P.Mayzelis (qızlıq soyadım - İonova) doğulduğum gündən fabrikdə yaşayıram. Atam İonov P.P. 30 il fabrikdə çalışıb, mən isə fabrikin nəzdindəki məktəbdə oxumuşam. Məktəb ikisinifli idi, bizim 50 nəfərə yaxın şagirdimiz vardı. Azərbaycan və rus bölmələri fəaliyyət göstərirdi. Mən rus bölməsində təhsil almışam. Müəlliməmiz Vera Vasilyevna, ondan sonra isə Marfa İlyiniçna idi. O, uşaqlara qarşı olduqca həssas idi, pulsuz özfəaliyyət və əl işi dərnəklərini yaratmışdı ki, burada şagirdlər biliklər qazanırdılar. Əl işi dərnəyində biz müxtəlif gözəl şeylər tikirdik. Yadımdadır ki, biz bir dəfə Tağıyevin evinə hədiyyələr aparmışdıq. Bizi Tağıyevin həyat yoldaşı qəbul etdi və hədiyyələr verdi.
Fabrikdəki xəstəxanada dava-dərman və fəhlələrin müayinəsi pulsuz idi. Fabrikdə kitabxana və qiraətxana fəaliyyət göstərir, kitablar evə verilirdi. Biz, müəllimimiz Marfa İlyiniçna ilə birgə hazırladığımız tamaşalarla klubda çıxış edirdik.
Tağıyev gələndə, fabrikdə çalışan azyaşlı uşaqları gizlədirdilər, çünki o, uşaqları işlətməyə icazə vermirdi, onların təhsil almasını istəyirdi.
2 mart 1957-ci il.
MATM NF, №№ 21008, 21006
Dostları ilə paylaş: |
