Azərbaycan Milli Elmlər Akademiyası Milli Azərbaycan Tarixi Muzeyi

Tağıyev fabrikinin nəzdindəki məktəbin müdavimi

Mövsüm Əli Baladadaş oğlu Məmmədovun xatirələri
Mən, Mövsüm Əli Baladadaş oğlu Məmmədov 1897-ci ildə Əhmədli kəndində fəhlə ailəsində anadan olmuşam. Uşaqlıqda 9 il molla yanında oxumuşam. 1906-cı ilin ma­yında kəndimizə bir fayton gəldi. Uçaqlar qışqırmağa baş­ladılar: “Ağa Tağıyev kəndimizə gəlib!” Tağıyev faytondan düş­dü və camaata sarı getdi. Molla Axund Əli Tağıyevə ya­xınlaşaraq dedi: “Hacı, bizə kömək et. Məscid tikirik, lakin pu­lumuz çatmır”. Hacı cavab verdi: “Adam göndərin, kömək­lik göstərərəm. Lakin Əhmədli kəndinin sakin­lərin­dən şəxsi xahişim var: uşaqlarınızı fabrikimdə açdığım mək­təbə göndərin. Onları dərs ləvazimatı və geyimlə təmin edəcəm”.

Hacı öz vədinə əməl etdi, Əhmədli kəndinin uşaqları isə məktəbə getməyə başladılar. Tağıyev tez-tez məktəbə gəlir və həmişə bizi oxumağa çağırırdı. Mən məktəbdə 4 il oxudum. Bizim iki müəllimiz var idi: Gəncədən olan Əbdülkərim bəy Vəlibəyov, ana dilindən dərs deyən ikinci müəllimin adını isə xatırlamıram.

8 iyul 1956-cı il.

MATM NF, №20086