Azərbaycan miLLİ elmlər akademiyasi ­­­­­­­­­­­­­­­folklor institutu­­­­­­­­­­­­­­­­­

Beləliklə sual: “Böyük Adron Kollayderində” nə baş ve­rəcək?

Qeysəri şəhərinə çatan Kərəmin yolu Əslinin bağçasının ya­nından düşür: “Kərəm bir müddət yol gedib, Qeysəri şə­hə­ri­nə çatdı. Üst-başı elə cırım-cındır idi ki, heç bilmirdi, hara get­sin. Yolu düşdü Əsligilin həmin bağçasının yanından Gör­dü ki, burada bir dəstə qız çıxıb, oxuyub-oynayır. Kərəm ke­çib getmək istəyəndə bir də gördü, budu, bağçadakı evdən bir qız çıxıb, yüz naz-qəmzə ilə qızlara tərəf gedir. Diqqətlə ba­xanda Əslini tanıdı. Daha heç bir söz deyə bilmədi. Sazını dö­şünə basdı, götürdü, görək (3 bəndlik şeirlə – S.R.) nə dedi:

Sallana-sallana çıxdı xanadan,

Ay həzərat, gedən ceyran mənimdi!

Qana-qana öyüd alıb anadan,

Ay həzərat, gedən ceyran mənimdi!...”²¹⁰

Qızlar Kərəmi bağçaya dəvət edirlər: “Kərəm Əsliyə ta­nış gəldi. Amma nə qədər baxdısa, anşırda bilmədi (anlaş­dı­ra, tanıya bilmədi – S.R.). Ona görə anşırda bilmədi ki, Kə­rə­min üzünü-gözünü tük basmışdı, saçları uzanıb çiyninə tö­kül­müşdü. Özü də elə arıqlamışdı ki, bir dəri qalmışdı, bir sü­mük. Üst-başı da lap tökülüb cındırlaşmışdı”²¹¹.