Azərbaycan miLLİ elmlər akademiyasi ­­­­­­­­­­­­­­­folklor institutu­­­­­­­­­­­­­­­­­

§ 12. Kərəm Xaos məkanında
Beləliklə, Kərəmin xaosa səfəri üç mərhələdən keçir:

1. Öz evlərindən al (qırmızı) donlu qızlarla xəbərləşdiyi mə­kana qədərki birinci mərhələ (kosmos fazası).

Bu mərhələ:

Məkan tipinə görə – Kosmos;

Vizual işarəsinə (əlamətinə) görə – ağ dünya;

Etnokosmik statusuna görə – dirilər (canlılar) dün­ya­sı­dır.

2. Qırmızı donlu qızlarla xəbərləşdiyi məkandan Gür­cüs­­tan sərhədindəki obaya qədərki ikinci mərhələ (aralıq fa­za).

Bu mərhələ:

Məkan tipinə görə – Kosmosla Xaosun ortasındakı ara­lıq dünya;

Vizual işarəsinə (əlamətinə) görə – qırmızı dünya;

Etnokosmik statusuna görə – ikili xüsusiyyətə malik var­lıqlar: eyni zamanda həm diri (canlı), həm də ölü (ruh) olan adamlar dünyasıdır.

3. Obadan başlanan və qürbətdə davam etməkdə olan üçün­­cü mərhələ (xaos fazası).