§ 12.23. Çay kənarında Qaya, Meşə və
Çayla xəbərləşmə-alqış
Yola davam edən Kərəmgil bir çayın kənarına çatırlar: “Aldı Kərəm görək qayadan, meşədən, çaydan Əslini nə cür soruşdu:
Səndən xəbər alım, ay sarı qaya,
Mənim Əslim buralardan keçdimi?
Mübarək kölgəni salıbsan suya,
Mənim Əslim buralardan keçdimi?
Sarı qaya dilə gəlib, aldı, görək cavabında nə dedi:
Sənə xəbər verim, aşıqlar xası,
Sənin Əslin burdan gəldi də, getdi.
Yanında idi atası ilə anası,
Ləpirin üzümə saldı da getdi.
Aldı Kərəm:
Səndən xəbər alım, ay qara meşə,
Qələmi qüdrətdən çəkilmiş qaşa,
Bürünmüsən dağa, daşa bənövşə,
Mənim Əslim buralardan keçdimi?
Dostları ilə paylaş: |
