Azərbaycan Respublikası Mədəniyyət və Turizm Nazirliyi Gəncə şəhər Mədəniyyət və Turizm İdarəsi

Məktəbli:

Tarix qisas aldı tarixçilərdən,

Yaşadı yaddaşda Gəncə üsyanı.

Öldük, içimizdə ölmədi Vətən,

Torpaqda və daşda Gəncə üsyanı.

Aparıcı:

Doğma Gəncənin hüsnünə çox mahnılar qoşulub. Bu mahnılar içərisində biri də var ki, bu gün də sevilə-sevilə dinlənilir. Mahnının sözləri böyük şairimiz Əhməd Cavada, musiqisi isə bəstəkar Emin Sabitoğluna məxsusdur. Gəlin indi Gəncə musiqi kollecinin tələbələrinin ifasında bu çox sevilən “Gəncədən gəlirəm” mahnısını dinləyək.

Aparıcı:

İndi kitabxanın fəal oxucularının ifasında sözləri Tofiq Bağırova, musiqisi Faiq Sucəddinova aid olan “Gəncənin marşı” şeirini dinləyək:

I Oxucu:

Gəncə millətimin qeyrət rəmzidir,

Məhəbbət rəmzidir, cürət rəmzidir.

Üç rəngli bayrağı göyə qaldıran

Elimin-obamın şöhrət rəmzidir.
Bir dəfə yüksələn bayraq enməsin,

Məsləkindən oğlun,qızın dönməsin

Vətən göylərində səkkiz guşəli,

Parlayan ulduzun heç vaxt sönməsin.