| Mədə-bağırsaq qanaxması
Hemofiliyalı xəstələrdə mədə-bağırsaq qanaxmaları digər qanaxmalarla müqayisədə nisbətən az təsadüf olunur. Qanaxmalar mədə və 12 barmaq bağırsağın gizli xorası, eroziv qastrit, asetilsalisil turşusu, qeyri-steroid iltihab əleyhinə dərmanların qəbulu ilə əlaqədar baş verir. Profuz mədə-bağırsaq qanaxmaları çox zaman spontan və yaxud səbəbsiz olur. Xəstədə ümumi zəiflik, dəri örtüklərinin avazıması, taxikardiya, təngnəfəslik, “qəhvə” rəngində qusma, qara rəngdə nəcis əlamətləri yaranır.
Dərhal xəstədə lazımi faktor səviyyəsini təmin etməli, sonra isə diaqnostika həyata keçirilməlidir.
Hemofiliya A zamanı faktor VIII səviyyəsini 80-100% , hemofiliya B zamanı faktor IX 60-80%-ə çatdırmaq lazımdır.
Mədə bağırsaq qanaxması zamanı xəstə dərhal hospitalizə olunmalıdır.
Xəstəni müayinə edib qanaxmanın səbəbini ayırd etmək lazımdır; mədə-bağırsaqda xora, qida borusunun genəlmiş varikoz venaları, hemorroidal düyünlər və s.
Lazım gələrsə anemiya və ya şokun müalicəsi aparılmalıdır.
Bəzi hallarda hemofiliyalı xəstələrdə səbəbsiz mədə-bağırsaq qanaxmaları olur, və çox zaman bunu qidalanma ilə əlaqələndirirlər.
Dostları ilə paylaş: |
