| Hemofiliyanın əsas müalicə üsulları
Yerindən asılı olaraq Hemofiliya A və B xəstələrin müalicəsi aşağıdakı şəraitdə aparılır:
Evdə - yəni xəstəxanadan kənarda vena daxilinə laxtalanma faktorunun vurulması. Bunu xəstələr evdə, məktəbdə, işdə və digər yerlərdə edə bilərlər.
Ambulator-poliklinik şəraitdə
Stasionarda
Ev şəraitində aparılan müalicə xəstələrin əsas müalicə üsuludur. Qanaxmanın yaxud qansızmanın vaxtı 3 saatdan çox olmadan müalicəni başlamaq lazımdır!
Evdə aparılan müalicə xəstəxanada aparılan müalicə ilə eyni olub, dövlət xərclərinin azalması ilə yanaşı, həm hemofiliyalı xəstənin, həm də onun ailə üzvlərinin həyat keyfiyyətini yaxşılaşdırır. Təcili müalicə qanaxmanın qarşısını surətlə alır, uzun və qısa müddətli əlilliyi aradan qaldırır. Faktor konsentratları ilə evdə aparılan əvəzedici müalicə zamanı minimal miqdarda preparat istifadə etməklə uzun müddətli qanaxmaların qarşısı alınır.
Dostları ilə paylaş: |
