“Azərbaycan Respublikası Tarif (qiymət) Şurasının 06 yanvar 2007-ci il tarixli 04 nömrəli “Azərsu” Səhmdar Cəmiyyətininsudan istifadə və tullantı sularının axıdılması xidmətləri üzrə istehlakçı qruplarının və təsnifatının təsdiq edilməsi

AZƏRBAYCAN RESPUBLİKASININ TARİF (QİYMƏT) ŞURASININ QƏRARI

 

Q Ə R A R  № 01
Bakı şəhəri                                                                         31 yanvar 2011-ci il 
“Azərbaycan Respublikası Tarif (qiymət) Şurasının 06 yanvar 2007-ci il tarixli 04 nömrəli “Azərsu” Səhmdar Cəmiyyətinin sudan istifadə və tullantı sularının axıdılması xidmətləri üzrə istehlakçı qruplarının və təsnifatının təsdiq edilməsi barədə” Qərarı”na əlavə və dəyişikliklər edilməsi barədə

Azərbaycan Respublikası Prezidentinin “Azərbaycan Respublikasının Tarif (qiymət) Şurası haqqında Əsasnamə”nin təsdiq edilməsi barədə” 26 dekabr 2005-ci il tarixli 341 nömrəli Fərmanına, Azərbaycan Respublikası Nazirlər Kabinetinin 30 dekabr 2005-ci il tarixli 247 nömrəli Qərarı ilə təsdiq edilmiş “Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təmin edilməsi Qaydaları”na, “Azərsu” ASC-nin müraciətinə və Azərbaycan Respublikası Tarif (qiymət) Şurasının 31 yanvar 2011-ci il tarixli iclasının protokoluna əsasən qərara alır:

1. “Azərbaycan Respublikası Tarif (qiymət) Şurasının 06 yanvar 2007-ci il tarixli 04 nömrəli “Azərsu” Səhmdar Cəmiyyətininsudan istifadə və tullantı sularının axıdılması xidmətləri üzrə istehlakçı qruplarının və təsnifatının təsdiq edilməsi barədə” Qərarı”nda aşağıdakı məzmunda dəyişikliklər edilsin:

1.1. Qərarın 1-ci bəndinin cədvəl hissəsi aşağıdakı redaksiyada verilsin:

 

Sıra №-si	Xidmətlərin növü	İstehlakçı qrupları	Ölçü vahidi	Tariflər, (ƏDV ilə, manatla)
I.	Su təchizatı	1. Əhali, o cümlədən
		1.1. Bakı, Sumqayıt, Gəncə, Mingəçevir, Şirvan, Xırdalan şəhərləri və Abşeron rayonu	1 m^3	0,30
		1.2. Digər regionlar	1 m^3	0,25
		2. Digər sahələr	1 m^3	1,0
		3. Sudan xammal kimi istifadə edənlər	1 m^3	12,0
II.	Tullantı suların axıdılması	1. Əhali	1 m^3	0,06
		2. Digər sahələr	1 m^3	0,30

 

1.2. Qərarın 4-cü bəndində “6,0” rəqəmi “5,0” rəqəmi ilə əvəz edilsin.

2. Bu qərar 01 fevral 2011-ci il tarixindən qüvvəyə minir.