10
nümunələrinin əhəmiyyəti, milli və dünya təsviri incəsənət tarixinin görkəmli
nümayəndələri, onların məşhur əsərləri haqqında məlumatları əhatə edir.
Cəmiyyətdə baş verən müxtəlif hadisələri, xalqımızın, eləcə də dünya xalq-
larının tarixi, mədəniyyəti, adət-ənənələri haqda məlumatların şagirdlərə mənimsə-
dilməsində, təsviri sənət əsərlərinin informativ-kommunikativ imkanlarının dərk
olunmasında bu fənn mühüm vasitə kimi çıxış edir.
Digər fənlər vasitəsilə mənimsədilən tarixi faktların, hadisələrin və
şəxsiyyətlərin təsvirlərdə əks olunması şagirdlərdə bütün bunlar haqqında daha
dolğun təsəvvürlər formalaşmasına əhəmiyyətli təsir göstərir.
Cəmiyyət və təsviri incəsənət əlaqələrini əks etdirən bu məzmun xətti üzrə
müəyyən olunan bilik və bacarıqlar şagirdlərdə milli və beynəlmiləl dəyərlərə
maraq və hörmət aşılayır, insan cəmiyyətinin mədəni, siyasi və iqtisadi həyatı
haqqında geniş və dolğun təsəvvürlər yaradır, müxtəlif dövrlərdə mövcud olan
cəmiyyətlər, onların tərkib hissələri və bunların özünəməxsus xüsusiyyətləri haqda
geniş və rəngarəng məlumatlar verir.
Dostları ilə paylaş: 
