Azərbaycan Respublikası Təhsil Nazirliyi Azərbaycan Texniki Universiteti

Azərbaycan Respublikası Təhsil Nazirliyi Azərbaycan Texniki Universiteti İqtisadiyyat və idarəetmə fakültəsinin 918a4 qrup tələbəsi Tural Bağırlı Həsən oğlu

(tələbənin soyadı,adı,atasının adı) İSTEHSALAT TƏCRÜBƏSİNİN H E S A B ATI ( IV kurs ) Təcrübənin müddəti: 20 22 il fevral ayının “ 16 -dan(dən) 20 22 il may ayının “ 25 ” -dək M.Y. Tələbə Tural Bağırlı Həsən oğlu (s.a.a) (imza) Universitetdən təcrübə rəhbəri (vəzifəsi,s.a.a) (imza) Təcrübə üzrə topladığı bal: (rəqəm və hərflə) (imza) “ ” 2022 - ci il Bakı-2022 -ci il

Mündəricat

Giriş 3
Maliyyə hesabatının tərkibi 4
Maliyyə hesabatının mahiyyəti 10
İllik maliyyə hesabatının konseptual əsasları 11
Maliyyyə hesabatının keyfiyyət xüsusiyyətləri 13
Müasir dövrdə maliyyə hesabatının strukturu 15
Maliyyə hesabatının əsas elementləri 18
Maliyyə hesabatının təqdim olunduğu ünvanlar və müddətləri 23
NƏTİCƏ 25
ƏDƏBİYYAT 27

Giriş

Ölkəmizdə iqtisadi inkişafın müasir dövründə müəssisə və təşkilatların idarə edilməsində mühasibat uçotu və maliyyə hesabatının rolu get-gedə artmaqdadır. Mühasibat uçotu və maliyyə hesabatı sahəsində beynəlxalq standartların ölkəmizdə tətbiq olunması və onların əsasında Azərbaycan iqtisadiyyatının özəlliklərinə uyğunlaşdırılmış milli standartların yaradılması ölkə iqtisadiyyatının dünyanın inkişaf etmiş iqtisadi qurumlarına müvəffəqiyyətlə və əlverişli şəkildə inteqrasiyasına və yüksələn templə inkişaf etdirilməsinə hesablanmışdır. Bununla əlaqədar olaraq, son onillikdə mühasibat uçotu və maliyyə hesabatının bir çox məsələlərində ciddi dəyişikliklər meydana gəlmişdir. Demək olar ki, mühasibat uçotu və maliyyə hesabatı nəzəri və praktiki cəhətdən dəyişikliyə uğramış və müasir bazar iqtisadiyyatının tələblərinə tamamilə uyğun olan yeni iqtisadi əsaslar üzərində formalaşdırılmışdır. Bütün bunlar “050402-Mühasibat uçotu və audit” ixtisası üzrə mütəxəssis hazırlığında mühasibat-maliyyə hesabatının dərindən öyrənilməsi zərurətini şərtləndirmişdir.
Maliyyə hesabatı müəssisənin mühasibat uçotu prosesinin son məhsulu və uçot informasiyalarının işlənməsinin son mərhələsidir. Maliyyə hesabatında müəssisənin kənar istifadəçilər üçün təqdim etdiyi standart informasiyalar əks olunur. Ona görə də mühasibat uçotunun tələbələrə öyrədilməsi prosesində maliyyə hesabatı özünəməxsus şəkildə mühüm yer tutur.