Ağız boşluğunda qida xırdalanır, ağız suyu ilə yumşalır və sonra udlaq nahiyyəsinə keçir. Ağız boşluğu dodaq, yanaq, dişlər, diş əti, bərk və yumşaq damaq, dil, badamcıq vəzisi və tüpürcək vəzilərindən ibarətdir. Ağız boşluğunun sümük əsasını alt, üst çənələr, kəsici və damaq sümükləri təşkil edir. Ağız hissəsi dəhlizi və ağız böşluğuna bölünür. Bu hissələr dişlər, kəsici sümüklər və diş əti vasitəsilə bir-birindən ayrılır. Ağız üst və alt dodaqlar vasitəsilə örtülmüş yarıq formasındadır. Beləliklə ağız boşluğu ön və yan hissələrdən diş əti və dişlərlə, üst və arxa hissədənbərk və yumşaq damaqla, aşağı hissədən isə ağız boşluğunun dibində yerləşən dil ilə məhdudlaşdırılır. Dodaqlar dəri, əzələ təbəqəsi və selikli qişadan ibarətdir.
