3.1.3 Dişlər
Dişlərin funksiyası qidanın mexaniki emalından ibarətdir. Hər bir dişin diş tacı, diş əti ilə əhatə olunmuş boyun hissəsi və müvafiq sümük alveollarına (üst, alt çənənin və ya kəsici sümüklərin) daxil olmuş (birləşmiş) kök hissəsi vardır.
Dişlər tərkib etibarilə dentin, əmal, sement və özək hissədən ibarətdir. Dentin əsas hissə hesab olunur. Dişin kökündən başlayaraq diş boşluğunu qan damarları və sinir sistemi ilə təchiz olunmuş özək hissə ilə doldurur.
Gödək taclı və uzun taclı dişlər olur. Gödək taclı dişlərdə əmal ancaq tac hissədə dentin təbəqəni kalpaqşəkilli örtür, sement isə dişin kök hissəsini örtür. Uzun taclı dişlərdə dişin tacı ilə bərabər kökü və sürtünən qırışlı səthi də emalla örtülmüş olur.
Gödək taclı dişlərə bütün süd dişləri, İBM-nın daimi kəsici dişləri, donuzların bütün dişləri aiddir. Uzun taclı dişlərə at və İBM-nın bütün daimi dişləri aiddir.
Dostları ilə paylaş: |
