Onurğa sütununun ibarət olduğu boyun, döş, bel, sağrı və quyruq hissələri ayrı-ayrı funksiyaları yerinə yetirdiklərinə görə quruluşlarında fərdi xüsusiyyətləri ilə fərqlənirlər.
Müxtəlif heyvan sümüklərinin özünəməxsus rəngi vardır. Bü ağ, açıq sarı rəngdən tünd qəhvəyi və qara rəngə qədər gəyişir. Bəzi heyvan cinslərinin təmizqanlılığının bonitirovkasında buynuzlarının rəngi də nəzərə alınır. Belə ki, təmizqanlı simmental cinsli inəklərin buynuzları sarımtıl rəngdə olur və uc hissəsi qəhvəyi rəngə çalır. Buynuzun uc hissəsinin qara rəngdə olması həmin heyvanın təmizqanlı simmental cinsinə aid olmadığını bildirir. Sümüklər xarici formasına görə uzun boruşəkilli, qısa, yastı və qarışıq olur.
