Sol qulaqcıqdan qan sol mədəciyə daxil olur. Oradan isə ən böyük arteriya damarına-aortaya axır. Aortadan şaxələnmiş nisbətən nazik arteriya damarları çıxır. Orqan və toxumalar kiçicik qan damarları (çox nazik divarları olan arterial kapilyarlar) vasitəsilə qanla təchiz olunurlar. Kapilyarlar bədənin bütün toxumalarına daxil olur, oksigeni verərək karbon qazı ilə zənginləşib venoz qana çevrilir. Toxuma və orqanlardan yenidən əvvəlcə venoz kapilyarlara, sonra venalara axır.
Şəkil X. Kiçik qan dövranı
Qan sol mədəcikdən arterial damarlarla hərəkət edərək vena damarlarına və sonda sağ qulaqcığa daxil olmaqla böyük qan dövranını yaradır. Böyük qan dövranının vəzifəsi qida maddələri və oksigenlə zənginləşmiş qanla bədənin bütün orqan və toxumalarını təchiz etməkdir.
