Yenidən bölgü funksiyası. Bazar iqtisadiyyatında borc kapitalı bazarının təsərrüfat fəaliyyətinin bir sahəsində cari dövrdə müvəqqəti istifadəsiz qalan pul vəsaitlərinin daha yüksək mənfəət gətirən digər sferalara yönəltməsinin özünəməxsus formasında çıxış etdiyinin şahidi oluruq. Müxtəlif sahə və bölgələrdə mənfəətin diferensiallaşdırılmış səviyyəsini istiqamət kimi seçərək, dinamik inkişaf edən sahələrin əlavə maliyyə resursuna olan ehtiyaclarını təmin edən kredit iqtisadiyyatda makrotənzimləyici rolunda çıxış edir.
