Beynəlxalq kredit. Borc resurslarının ölkələr arasında hərəkət və fəaliyyətidir. Kreditor və ya borc alan rolunda banklar, xüsusi sahibkarlar, iri şirkətlər, hökumət, dövlət idarələri, hətta beynəlxalq və ya regional təşkilatlar da çıxış edə bilər. Beynəlxalq kredit verilən zaman iştirakçılar dəyişmir. Amma bu sövdələşmənin tərəflərindən biri xarici dövlətə mənsub olmalıdır. İqtisadi məzmununa görə beynəlxalq kredit xarici ticarət əməliyyatlarıyla əlaqədar olan kommersiya fəaliyyətinə, borcların ödənilməsinə, qiymətli kağızların buraxılmasına, birbaşa kapital qoyuluşlarına və s. məqsədlərə istifadə oluna bilər.
Mülki kredit.Borcalan rolunda ayrı-ayrı şəxslərin çıxış etməsi nəzərdə tutulur. Belə kredit həm pul, həm də əmtəə formasında verilə bilər. Sövdələşmənin tərəfləri arasında kredit münasibətləri əsasən şəxsi xarakter daşıyır.
