Maddə 5. Ev heyvanları. Qonaq otelə özü ilə birgə ev heyvanlarını gətirmək arzusunda olduğu zaman buna həmin otelin daxili nizam qaydalarına əsasən icazə verildiyinə qabaqcadan əmin olmalıdır.
Maddə 6. Nömrələrin tutulması və azad edilməsi. Başqa heç bir hal nəzərdə tutulmadığı zaman qonaq üçün sifariş olunmuş nömrələr saat 14.00 üçün, oteldən çıxan qonaqların nömrələri isə saat 12.00 üçün hazır olmalıdır.
Qonarpərvərlik və otelçilik sektorunda yuxarıda qeyd etdiyim qanunlar, aktlar və normativ tənzimlənmə vasitələrindən əlavə xidmətlərin keyfiyyətli şəkildə qonaqlara göstərilməsi bir sıra prinsiplərə də söykənir. Bu prinsiplərə keçid etməzdən əvvəl otel biznesinin fəaliyyətinə aid bir ifadə ilə tanışlıq bu prinsiplərin nəyə əsaslandığını müəyyənləşdirməyə yardımçı olur: "Qonaqları əyləndirmək qonağın otel müəssisəsinin damının altında olduğu müddətdə qonağın xoşbəxtliyi üçün məsuliyyət daşınması gərəkən bir amildir". Bu ifadə onu göstərir ki, otel müəssisəsinin 9 diqqətəlayiq xidmət xüsusiyyətləri mövcuddur: 1.Diqqətəlayiq xidmət xoş, mehriban və nəzakətli olmalıdır; 2.Xidmət asan anlaşıla bilən olmalıdır; 3.Xidmət səmərəli olmalıdır;4.Xidmət vaxtı- vaxtında göstərilməlidir; 5.Xidmət çevik şəkildə göstərilməlidir;6.Xİdmət ardıcıllıqla yerinə yetirilməlidir; 7.Keyfiyyətli xidmət effektiv şəkildə əlaqələndirilməlidir; 8.Diqqətli xidmətə olan güvən etibarlı olmalıdır; 9.Keyfiyyətli xidmətə olan gözləntilər daha çox olmalıdır.
Qonaqpərvərlik və Xidmətin Əsas Prinsiplərinin müxtəlif növ aktlara istinad etdiyi görünür, lakin əslində onlar qonaq və ya müştərilərə qayğı göstərən xidmət kodeksini təşkil edirlər. Xidməti təmin etmək avtomobil təmirindən tutmuş saç düzümü və restoranlar kimi istənilən biznes sahəsinin vacib təməlidir. Daha çox müştəri məmnunluğunu qarşılamaq biznesin daha uğurlu olması deməkdir. Brillat-Savarinin deyiminə görə xidmətlər təkcə fiziki olaraq qonaqların istəklərinə uyğun qida və içkiləri təmin etməməli, həmçinin onların mənəvi rahatlığını təmin edəcək amilləri də qarşılamalıdır. Qonaqpərvərlik Xidmətinin 9 Əsas Prinsipləri xidmətin daha az maddi aspektlərinə əsaslanır. Daha az maddilik daha az əhəmiyyət kəsb etmir. Əslində, bu detallara olan diqqət keyfiyyətli xidməti xarakterizə edən şeydir. Bugünkü rəqabət bazarında xidmətin keyfiyyəti ərzağın keyfiyyəti kimi daha da vacibdir. İndi isə yuxarıda qeyd olunan prinsiplərin mahiyyəti haqqında qısa təsəvvür formalaşdıraq.
Dostları ilə paylaş: |
