Tədqiqatın metodları. Dissertasiyada qoyulmuş məqsəd və vəzifələr bir-birini qarşılıqlı şəkildə tamamlayan metodların seçimini qabaqcadan müəyyən etmişdir. Dissertasiya konkret dil faktlarının müşahidəsi, ümumiləşdirilməsi və analizini özündə birləşdirən, alınmış nəticələrin təhlilini və onların müvafiq nəzəri konsepsiya istiqamətində təsvirini nəzərdə tutan linqvistik təsvir metodunun köməyi ilə yerinə yetirilib. Təsviri metod materialın toplanması, kataloqlaşdırılması, sistemləşdirilməsini, ardıcıl təsvirini və təsnifatını nəzərdə tutur. Araşdırmada struktur, müqayisəli, üslubi metodlar və kontekst analizi üsulu, onomastik təhlil üsulları tətbiq olunur.
