Aprobasiyasıvə tətbiqi. Tədqiqat işinin əsas müddəaları müəllifin beynəlxalq və respublika səviyyəli elmi konfranslardakı məruzələrində, habelə müxtəlif elmi nəşrlərdə çap olunmuş məqalələrində öz əksini tapmışdır. Dissertasiya ilə bağlı 1 monoqrafiya, 60 elmi məqalə və tezis nəşr olunmuşdur ki, bunlardan 10-u xarici mətbuata aiddir (biri Scopus bazasında).
Dissertasiya işinin yerinə yetirildiyi təşkilatın adı. Dissertasiya işi Bakı Dövlət Universitetinin Azərbaycan dilçiliyi kafedrasında yerinə yetirilmişdir.
Dissertasiyanın struktur bölmələrinin ayrılıqda həcmi qeyd olunmaqla dissertasiyanın işarə ilə ümumi həcmi.Dissertasiya giriş, 4 fəsil, nəticə, istifadə edilmiş ədəbiyyatdan ibarətdir. Dissertasiyanın giriş hissəsi 8 səhifə, birinci fəsli 55 səhifə, ikinci fəsli 80 səhifə, üçüncü fəsli 58 səhifə, dördüncü fəsil 78 səhifə, nəticə hissəsi 4 səhifə, ədəbiyyat hissəsi 53 səhifədən ibarətdir. Dissertasiya işi ümumilikdə 339 səhifə, 545.327 işarədən ibarətdir.
