| Tədqiqatın nəzəri və praktiki əhəmiyyəti. Praqmatika insanların sosial situasiyalarda dildən istifadə və şərh etmə yollarını araşdırır. Praqmatika insanların nə dediklərinə diqqət yetirmir, lakin fikrin necə deyildiyini və digərləri tərəfindən necə şərh edildiyini araşdırır. Əvəzliklərin praqmatik təhlili deyəndə isə onların referenti olaraq kimin və yaxud nəyin nəzərdə tutulmasının araşdırılması başa düşülür. Fərqli cümlələrdə işlənən eyni əvəzlik müxtəlif referentləri ifadə etmək bacarığına malikdir. Əvəzliklər arasında qayıdış əvəzliyinin seçilməsi isə bu sahə üzrə araşdırmaların məhdud olması ilə əlaqədardır. Qayıdış əvəzlikləri sintaktik, semantik və praqmatik xüsusiyyətlərə malikdir. Həmçinin qayıdış əvəzlikləri minimum səviyyədə birgə indeksləşdirilmiş, təyinedici ismi ifadələr ilə idarə oluna bilər.
İngilis dili kimi sintetik dillərdə əvəzliklərin necə bölündüyünü göstərmək üçün söhbət eyhamlarının neo-Qrays praqmatik nəzəriyyəsindən istifadə etmək daha məqsədyönlü olar. Bunun üçün problemli refleksivlərin istifadə olunduğu cümlələr praqmatik yanaşma ilə yenidən nəzərdən keçirilməlidir.
Tədqiqatın praktik əhəmiyyəti ondan ibarətdir ki, araşdırma nəticələri praqmatika, kontekst və diskursla əlaqəli dərslərdə, seminarlarda qaynaq olaraq istifadə edilə bilər.
Dostları ilə paylaş: |
