Tədqiqatın nəzəri və praktik əhəmiyyəti. Dissertasiya mövzusu üzrə aparılan elmi tədqiqat işi dilçiliyimiz üçün çox aktual mövzuya həsr olunduğundan yüksək elmi-nəzəri əhəmiyyətə malikdir. Çünki nəzəri dilçilikdə mətn dilçiliyi ilə bağlı hələ həll olunmamış bir sıra məsələlər vardır. Bu tipli elmi tədqiqat əsərləri mətn dilçiliyinin bir sıra qaranlıq məqamlarına aydınlıq gətirir və nəzəri ümumiləşdirmələr üçün tutarlı faktlar verir. Aparılan elmi tədqiqatın digər mühüm əhəmiyyəti ondadır ki, o, Azərbaycan dilçiliyində mətn dilçiliyi ilə bağlı mövcud olan böyük boşluğu doldurur. İşin praktik əhəmiyyəti nitqin dərin və məzmunlu qurulması, nitq aktının ünsiyyətdə baş tutması və mətnin tədrisi ilə bağlıdır.
