| Ankara turizm mərkəzi
Kiçik Asiyanın ən qədim şəhərlərindən biri olan Ankara Ⅶ əsrdən məlumdur.Şəhər eramızdan əvvəl Avropa və Asiyanı birləşdirən ticarət yolunun üzərində Ansira adlanan qədim yaşayış məskəninin yerində salınmışdır.Şəhər şərti olaraq iki hissəyə: Qədim və Yeni Ankaraya ayrılır.Qədim şəhərdə müəyyən qədər orta əsr müsəlman şəhərinin siması saxlanılmışdır.Bu hissədə qədim məbəd və çoxlu məscidlər vardır.1923-cü ildə şəhər Türkiyə Respublikasının paytaxtı elan edildikdən sonra Yeni Ankara adlanan hissə salınmış və o, əsasən, İkinci Dünya müharibəsindən sonra tikilmişdir.
Ankaranın görməli yerləri arasında Türkiyə Respublikasının banisi Mustafa Kamal Atatürkün mavzoleyi (məqbərəsi), Hett və frakiyalıların məişət və incəsənət əşyalarından ibarət zəngin kolleksiyaları olan Anadolu sivilizasiyası muzeyi, xalça,toxuculuq məmulatları,saxsı qablar,milli geyimlər və musiqi alətləri kolleksiyaları ilə zəngin olan Etnoqrafiya muzeyi yuristlərin diqqətini cəlb edir.Paytaxtın qədim hissəsinin üzərində Ağ Qala bürcü yüksəlir.Bu bürcün yaxınlığında Ankaranın məscidi - Ələddin (12-ci əsr) və Hacı Bayram məscidləri yerləşir.Paytaxta gələn turistlərdə şəhərin ətrafında yerləşən Avqust və Rom məbədlərinin qalıqları da böyük maraq doğurur.Ankaranın Qazilər meydanında isə turistlər Türkiyənin ən böyük məscidlərindən biri olan Xocatən məscidi ilə tanış ola bilərlər.
Dostları ilə paylaş: |
