| Kapillyar hemangiomalar (strawberry mark, superficial hemangioma). Döş qəfəsi, boyun, baş və ətraflarda parlaq qırmızı, bənövşəyi, palpasiyada yumşaq düyün şəkilli strukturdur. Həyatın müxtəlif dövrlərində dəri angiomaları spinal xorda atriovenoz anomaliyaları ilə birlikdə müşahidə olunur. Uşaqlarda törəmələr döğuşdan sonra müşahidə olunur və ölçüləri 6-12 ay ərzində böyüyür. Törəmələrin bir hissəsi sonrakı 2-7 il içində spontan involyusiyaya uğrayaraq kiçik bir çapığa çevrilir, yaxud çapıqsız sağalma ilə başa çatır. Pediatriyada 1 yaşa qədər olan uşaqlarda 10%, 1,5 yaşında olan uşaqlarda isə 1,5 % hallarda hemangiomalara rast gəlinir.
Selikli qişada olan törəmələr involyusiyaya uğramırlar və cinsi dövrdə də inkişaf edir.
Müalicə hər xəstədə fərqli aparılmalıdır. Çıxarılması mümkün olan kiçik törəmələri cərrahi eksizya ilə, minimum çapıqla çıxarmaq lazımdır. Periorbital, periorifisal, burun ucunda olan hemangiomalara qısa təsirli (betnasol) və uzun təsirli (triamsinolon asetat) kortikosteroidlərlə törəmə daxili inyeksiyalar yaxşı nəticələr verir. Koterizasiya və krioterapiya da bu törəmələr üçün tətbiq oluna bilər.
Dostları ilə paylaş: |
