Azərbaycan respublikasi səHİYYƏ naziRLİYİ azərbaycan tibb universiteti

Şüa terapiyası. Melanomalar şüa terapiyasına ən davamlı şişlərdir. İlkin melanomada aparılan şüa terapiyasının qiymətləndirilməsi çətindir. Serebral metastazlı gecikmiş xəstələrə tətbiq olunduqda qismən yaxşılaşma müşahidə olunur. Şüa terapiyasının ikincili təsiri melanomanın ətrafındakı limfa damarlarını daraldaraq metastazların qarşısını almaqdır.
Sarkomalar
Sarkoma yumşaq toxumanın bədxassəli şişləridir. Mezodermal mənşəlidir və birləşdirici toxuma, piy, əzələ və qan damarlarından inkişaf edə bilər. Stout 21 cür bədxassəli yumşaq toxuma şişləri müəyyən etmiş və aşağıdakı kimi xarakterizə etmişdir:

• 
  Aşağı ətraflarda və xüsusilə, budun iç səthində rast gəlinir.
  
• 
  Əksər hissəsi dərində yerləşdiyindən və az ağrıya səbəb olduğundan ancaq palpasiyada müəyyən olunur.
  
• 
  Nə qədər böyük olmasının əhəmiyyəti yoxdur, çünki bu sahədə periferik olaraq infiltrativ böyümüş şiş kimi qəbul edilir.
  
• 
  Həqiqi kapsulaları yoxdur.
  
• 
  Metastazlar qan dövranı ilə olur və nadir hallarda limfa düyünlərinə keçir.
  
• 
  Törəmə kiçik olduqda eksiziyonal biopsiya xəstəliyin təbiətini və anaplaziya dərəcəsini müəyyən etmək üçün kifayətdir.
  
• 
  Biopsiya olmadan radikal cərrahi müdaxilə aparılmamalıdır.