| Mövzunun aktualliği. Etnik istiqamət son onilliklərdə dizaynın ən dəyərli tələb olunan, dəyərli hissəsinə çevrilərək həm uzunmüddətli, həm də qısa moda tsiklində özünü biruzə verir. Müasir dizaynda etnik ənənələrin tutduğu yerin təhlili zamanı, etnik mövzuların aktuallaşdırılması ilə ümummədəni proseslər, dəbdə olan bu istiqamətin tarixən formalaşması, etnoüslubun əsas əlamətləri, eləcə də müxtəlif dizaynerlərin yaradıcı ideyaları arasındakı əlaqəni nəzərə almaq lazımdır.
Xüsusi aktuallığa malik dissertasiya işində tədqiqiat mövzusuna çevrilən bir sira məsələlərın analizi hazırki dövrün, həmçinin gələcəyin moda sferasında insan cəmiyyətinin zövqünü təyin edən və onu bilavasitə tarixinə baglayan başlıca ünsürün – geyimdə milli xüsusiyyətləri daşıyan etnik istiqamətin müəyyənləşdirilməsinə şərait yaradır. Geyimdə etnik üslub müəyyən bir xalqın məişəti, həyat tərzi, keçdiyi böyük tarixi inkişaf yolunu, ənənələrini özündə əks etdirərək, modelyerlər tərəfindən, müasir ruhlu kostyumlarda istifadə edilir və podiumlarda böyük kütlələrə təqdim olunur. Bu isə öz növbəsində milli elementləri geyimdə yeni formatda tətbiq olunmuş xalqın adət-ənənələrinin dünyada bir başa təbliğinə xidmət göstərir. Bu geyimlərdən istifadə edən insanların həmin xalqa, ölkəyə marağını artırıq.
Dostları ilə paylaş: |
